| ÔãÓ's profileღ.[ 7Up ksa ].ღPhotosBlogLists |  Tools  Help |
|
|
February 26 ღ.[كوكتيل ].ღصباح الخير
شخباركم كلكم ..؟ زماان عنكم جد جد لكم وحشه
من زمان مانزلت بلوق او حست بلسبيس اللهم شغلات بسيطه سويتها
بس ماعليه اليوم غايبين وفضينا لكم
امممممممم
اولا كالعاده ماعندي سالفه
بفضفض لكم واللي يطلع يطلع اهم شي الراحه النفسيه
 في ناس اشتقت لهم لدرجه كبيره
أولهم أمور او رامي البطه
جد زمان عنه حتى سبيسه من فترة طويله مادخلته والسبب مشاغل الدنيا
اللي يسأل من امور
هذا سبيسه
رسماته وتصاميمه ختييييره
حتى بلوقاته توسع الصدر
شخص ثاني افتقدته
صديق وانسان فله
ويكفي انه يحب السفن اب مثليQ8 اب
ماادخل سبيسه لانه يعلق معاي وكذا
ثانيها مشاغل الدنيا
سوالف تضحكني خاصه سالفة الحج
واخيرا وليش اخرا
سبيس عليه غبار الدنيا سبيس الشله
شلتنا الكريمه كل وحده ناسيه لسبيسات ومالها خلق تفتح سبيسها حتى وحده منا قفلت سبيسها
والله ساعات اعذرها وش نكتب ووش نجدد خاصه مع التعدليات الجديده
يللا نخليها على الله احسن
 عندي هنا مفاجأة صغيره
في انسان معنا اعتبره كأخ كبير لي
حساس وطيب لدرجه كبيره
نك نيمه أمير الحب
يمكن اكثركم يستغربليه جايبه سيرته
بصراحه حبيت اسمعكم موهبة أميرنا لانه يستاهل كل خير
قول ماشاء الله مابي صوته يروح خ خ خ
مقطعين صغار اظن انهم يشرحون كل شي عن صوته
امممممممم
في هالفترة عشووق مازا تفعل
بصراحه هالفترة اكتب قصة قصيره
بس صار لي فترة ماكملت لاسباب خاصه ان شاء الله تنتهي وابدى اكملها
للي حاب يعطيني رايه
غير كذا اني جالسه وطالعه فيها ابو الاجتهاد ومهتمه بدراستي احم
امممممممم
أهم شي مشكله صارت لأكثرنا
مشكلة لسبيس اللي يعلق
وصلتني الطريقه وقعدت انطط من الوناسه
الطريقه كالتالي حاطتها نصا لكم
بعد محاااولات عده لفك التعليق عن كثير من السبيسات الي تظررت من سالفه التغييرات الي صارت للسبيسات عموما حاولت بكذا طريقه على الاقل ارجع مواضيع بعض الأخوان والاخوات من سبيساتهم القديمه ووضعها في سبيسات جديه لكن مو الحل المقنع . لين طحت على متصفح سريع جدااا جدااا وبرضه فتح معي كل السبيسات الي كانت تعلق قبل على الأكسبلورار .. ماعليك الأن الا انك تضغط على الوصله الي تحت وتحمل الملف الي فيها عبااره عن متصفح للأنتر نت ثاني يكون معك ولا راح يتضرر المتصفح الاول الي هو الاكسبلورار وحجمه صغير وله ميزاات عديده جربه وشووف بنفسك http://www.mozilla.com/firefox/ وان شاء الله ترجع سبيسااتكم زي اول بس عطوهم فرصه لين تكتمل التعديلات الي يجرونهاا واذا ماجا معااك هالمتصفح ولا فتح السبيس فيه طريقه تقدر منها تدخل على مواضيعك الي كتبتها في السبيس وتنقلها في سبيس جديد الي هي عن طريق هالرابط سجل الدخول وراح يوديك لسبيسك بطريقه مبسطه http://mobile.spaces.msn.com سبيس المتيم اللي حل المشكله http://spaces.msn.com/members/MoTaiM/ بكذا انتهى لبلوق اعرف انه مو قد المستوى بس على الاقل احسن من لاشي
دمتم بود عشووق  January 01 مفضلة السبيسات
ليصبح سبيسك مع المشاهير
والله مدري ديفد بيكهام على غفله مشاهير خ خ خ
وان شاء الله بكون هالبلوق لكل المساحات اللي تنشر السبيسات
طبعا ماأنسى هالمساحة
المساحة الثانيه الكل يعرفها هي دليل لكل ماتحتاجه بتسنيع مساحتك وبنفس الوقت تنشر سبيسك من خلالها
مساحة حلوة اتوقع حطيت سبيسي فيها والله ما اذكر
في مساحة هم حلوة
 مؤسسات هالمساحة فتيات  فتيات المستقبل خ خ خ
~ saudi girls ~
يتبع واللي حاب يضيف اي موقع خاص لنشر لسبيس اكيد ماعندي
بالعكس ادورهم زي ماادور لكلينكس ايام الزكام خ خ خ
عشان انشر سبيسي يعني فيد واستفيد خ خ خ
ملاحظة : ترا ماعني شوارب عشان تكلموني على اني ولد تراني بنت
رقيقه خ خ خ
عشق
November 30 اووبس ناسيه العنوانسلام اليكوم كلو نفر هني
انا في شوف كتير رفيق مافي مئلوم من وين في ابدا كلام
رفيق ياويح قلبي آآه ياولدي قسم بالله اشتقت لكم
احس اني غبار غبار اصفر خ خ خ
ادري كلو نفر في شوق لي <==ياواثقه
سؤال انفع اكون ليلى بنت المهلهل بالهندي
<== لااااع استريحي
عدوج الريح يابنيتي
زين
اممممم
لسبيس تسكر فترة طويله فترة الاختبارات وقبلها بعد
الاختبارات معاي كانت اوكي والحمد لله يعني مب زينه ولاشينه الحمد لله على كل حال
ع العموم الله يستر على نتياجنا
 ...
ناس اشتقت لخششهم
فتى فيلون
دخل مرة سبيس شلتنا ونزل كومنت واحنا تأخرنا بالرد وفكر انه زعلنا عليه
فيلون ترا وربي كل البنات ضحكوا على الشنب خ خ خ
سبيس الفيل رامي
سبيس غباره اكثر اكثر خاصه في سبيسي
واللي انا صج من زمان مادخلت سبيسه
أسير الشوق خالد
ما انسى سبيس البطه واللي يشاركني بشي بجنون السفن اب
Q8 سفن اب
..
هالثلاث سبيسات من اكثر لسبيسات الي اتردد عليها حتى لو مانزلت كومنت اتابع اخبارهم من بعيد لبعيد
شي اكيد ما انسى سبيسات الشله
شيطونه
عشوقه
بنت الذيب
واخيرا وليس اخرا سبيس الغوالي
شلتي شلة A.R.R.S
مقدمه بايخه للبلوق صح استاهل صفقه عليها بس ماعليه ماعليه
نرجع الان لمحور حديثنا
ذكريات 15 سنة
قبل فترة شفت شي يرجعني 20 سنه لورى <==طاح السقف خ خ خ
اتوقع اكثرنا يعرف مسلسلات الكرتون القديمه
ايكوسان سانشيرو كابامارو سميد عبقور بومبو جازورا رحلة عنابه وساسوكي وغيرهم وغيرهم هالرسوم كانت جنوني في مرة كنت غايبه عن المدرسه يمكن لما كنت بصف ثالث مااذكر بالضبط كنت اتابع لبنى السريعه في عمان ويومها قطعوه بسبب اخبار مت صياح ابيهم يرجعونه
في السعوديه الاولى ياحبيلها والله اذا ماقطعت منه شي اشك اني حاطه القناة الاولى خ خ خ كنت اتابع فيها دييغو زورو حبيب قلبي وكل يوم احتار اي ساعه يفتح مرات اربع ونص ومرات اربع ومرات 2 وشوي سبحان الله القناة الاولى مافي زيها في المواعيد خ خ خ ايكوسان كنت اتابعه باليمن
لااحد يضحك قسم بالله كنت استانس عليه حتى اقلد عليه يازعم اني عبقريه مثله خ خ خ سانشيرو للحين وانا بأول ثانوي عندي اشرطه فيديو له ياحبي له والله لما كنا نلعب واحد من اخواني يقول انا جومارو والثاني يختار الرجل الحديدي خخخخ طلع لنا سابق ولاحق نحن وابطال الديجيتال وسبنر وبي بليد لما اشوفهم ودي اطفي التلفزيون على اختي بسبب بياختهم رسوم اول كنت احس بحلاوتها ماكان عندنا من يطلع شي جديد دايركت شرينا له حتى ماتطلع له خرابيط شنط مساحات اقلام علك عكس الحين احس احنا نفسنا حسينا بالملل بسبب هالحركه
شعوري لما اشوف رسوم الحين صراحه يعورني قلبي احس مافيهم شي اختي اللي هي اختي صرت اعطيها اشرطة الفيديو عشان تتابع الرسوم القديمه اول لما كان ابوي يشتري لي باربي اول شي اقوله وعععع باربي
دمعتين ماابي باربي اعطيها اخواني ينتفونها خ خ خ في مرة اخذت الباربي ودفنتها بالرمل ياهوووو قسم بالله اجرام حقيقي حسيت نفسي تسني بزمن الجاهليه اسمع بوأد البنات خ خ خ لما كانوا يشترون لاخواني سيارة اه تصير مناحه بالبيت ابي سيارة قسم بالله احلى من الباربي الهبله احس الباربي مسويه زحمة والشارع فاضي خ خ خ
فله هذي مرة حطمت الباربي وكشتها لما اشوف البنات مستانسين بها احس ان عقولهم صغيره حتى النمله احسن احس بنقس طفوله " فيس غبي " تعبانه انزل صورته خ خ خ
تخنقن يالعبره لما اشوف صواريخ عدنان وشعر عبسي
ويهزني الحنين لما اشوف مشية جازورا وبطولة غراندايزر
تسني غرشة ماي كل مابتتذكر انها غرشة رجوها
<==وخري زين
تيب
سؤال سادح نفسه توني انتبه له
شرايكم بالنيو لوك انفع بالصراحه باحلى
لااع استحريحي
تيب
البيتزا وصل بروح اعلف
علي بالعافيه
اشوفكم على خير سلمسلم
عشق
October 25 ღ.[ كوكتيل رمضان ].ღالسلام عليكم مساكم وصبحكم الله بالخير
صراحه زمان عنكم ياقدمي انا وخشتي
بصراحه موعارفه شكتب
فقلت يابنت مالج الا تنزلين كوكتيل رمضاني
 تدرون في شي بخاطري من بدى رمضان من زمان ماسويته من حوالي سنه او سنتين
الا وهو اغسل سيكل  والله جد ابي اغسله واركبه شعور كشخه تحس انك مسوي زحمة والشارع فاضي
امنيه ثانيه ابي سفن اب وحشني شربته بس مرة برمضان
وين الحقوق كل مرة ابي يقولون شربي فيمتو او تانج وربي المخازن ربحت من هالحكم علينا<_<
وهكزا تجري الحياة
خبر الموسم نزلت عداد للزوار قلت يابنت ماشي التطور مع اني ماكنت ابيه بس الظروف تخلي الواحد خروف
مشاعر رمضان بادلتك الحب وبادلتني الغدر .. عطيتك الوفا وعطيتني طعنات الظهر .. مع هذا تبقى حبيب العمر .. مشكور على عطفك ياذكرى طواها الدهر.. العين سهيرة في محاكات النجوم .. والقلب صار عالي فوق السحايب.. احلام وقصور بين الغيوم .. والشوق يسأل عن الحبايب .. مابين ظلام وليل النهار نشكي الهموم .. والقلب والروح من الجفا صاروا غرايب .. أحبك أحبك ترددت على مد وجزر البحور .. والوله والشوق يفوق حبات الترايب.. بعد اليوم عرفت مكانتي عندك ..رحت والا جيت ابقى مكاني .. أحبك وأحبك لقيتها عندك..بس للأسف قلتها بوقت غير زماني .. بعد ماتوفت المشاعر ونسيت عهدك ..تجيني وانا كلي دمعاني.. بدي دوب ئلي ئلي بجنون اش هي الطريقه بموت سوي فيمتو وذوبي فيمتو يا حبيب قلب الناس برمضان يابدر عالي في السماء بنيت لك بيت في الكيان مااشربك احس بغصه بالارجاء وان شربت حسيت براحه في المكان ايه يافيمتو ياليت الشباب يعود يوما مع فيمتو اتمنى يعجبكم التعديل البسيط اللي سويته بلسبيس منورين كلكم وياهلا عشق September 22 ღ.[ زياده حبتين ].ღسارعي للمجد والعلياء مجدي لخالق السماء وارفعي الخفاق اخضر يحمل النور المسطر رددي الله اكبر ياموطني موطني قد عشت فخر المسلمين عاشق الملك للعلم والوطن طن ططن  احس نفسي وطنيه زياده حبتين وعاشت السعوديه ياهوووووو قرب اليوم الوطني واحس نفسي وطنيه زياد حبتين ياهووووو ..  انواع الرجه .. طبعا أخيرا اخيرا فتحت لسبيس صراحه لو تجي معلمه تقيمه بتحط لي 0 من 5 في المشاركه احس ان مافي وزار للسبيس ابد صاير فقر صراحه والصراحه اكثر انا استاهل بيكوز اني مهمله ودوم غايبه اخاف يفصلوني <==انثبري ثانيها اني صايرة اكبر لكعه بالتاريخ بالمنتدى من اسبوعين مسويين لي توقيع وعيزانه احطه
تجديد بسيط تم فعله اني سويت لسته اسمها أناملي
من زين الاسم يعني
هاللسته حطيت فيها مواضيعي في لسبيس حسيته جي ارتب
طبعا اشكر الاستاذ عالم خيالي علمني الطريقه يعطيه الف عافيه
..
هالفترة زكمت ومن هالزكام طلعت مشاعر ومشاعري اعتز فيها صراحه .. ياعذابي زاد خشمي واستوى ضرسي ياقلبي شكى منديلي وارتفعت حرارتي يادمعتي بسك نزول والسنسون عيا الصعود بيت شعرتين وبير بترول تم العثور ساحة ذبذبات وملتقى العقول فلافل وضوع وجنون عشوق صخشاو مزكمه ودمعه ترفض الهروب كيفي اكلم نفسي دامني عشوق ولو ضرسي عورني يضل الشموخ صح الساني راح صوتي وزاد صداه مات قلبي وحضرت عزاه حبيته بمشاعري وبالاخر رماه نيدو ماحبك نيدو دمرت حياتي نيدو سبب خرابي نيدو يا اهبل ليش للاطفال وخربت طعمك سبب لي عوار البطن نيدو بلافشكلك يانيدو نيدو ماحبك تدري اني كرهته كرهته من الخاطر كرهته على كثر ماحبيته ..بعد ماخذيته من وسط حطامه ..علمته الحب واصوله دليته على عشق وحروفه وقلب سكنته معاه عطيته فرص مرار لكنه مو قد المقام خان وتلذذ بالخيانه قلت يمكن يتوب لكن عمره الغادر مايتوب كرهته من الخاطر خان العشرة والضمير خان قلب وفا له نيدو اكرهك اكرهك لانك تحب الاطفال اكثر مني اكرهك يانيدو اكرهك .. ღ.[ سئمتك يا دراسة عني فارحلي ..فالقلب منك ضاجر متملل..سنوات عمري جلها ضاعت بك..وعقلي الفذ منك صار بلي ].ღ: ختامها مسك الملل يصنع المستحيل وكل رد بتويكس وسنكرس والشاطر يتأمر
نشوفكم على خير
عشق September 11 عظم الله اجركمالسلام عليكم
عظم الله اجركم المدرسه بدت
طبعا الحين انا كبرت ودخلت اول ثانوي
وبهالمرحله يتحدد المستقبل
الله يعين بس
شعوري لما دخلت المدرسة
حسيت نفسي داخلة كيس تمر اكثره خربان والباقي زين:ss:
ماعندي شي اقوله
بس اعتذر عن اهمالي للسبيس
رجعت من السفر وعلى طول مدرسه وكل اللي سويته غيرت الثيم بس
اعتذر والله
وان شاء الله بس تستقر امورنا بالمدرسه نعدله
من اوله لاخره
اشكر كل من فحط هني او زارني
السموحه النفسيه ماتبشر بالخير والا كان بلوق عدل
اسفه مرة ثانيه
بكل ود
عشق August 22 على المنصهصباح الخير
....
الساعة التاسعة صباحا ..
أغمض عينيه وأشعة الشمس تودع وجهه
وصل إلى أذنيه صوت رجولي خشن: هل لديك أمنيه قبل الصعود إلى المنصة ؟
بمزيج من اليأس والرضا بالواقع: لو سمحت كأس من الماء ؟
أغلق عينيه وعاد بالذاكرة ..
خلف ذلك المكتب أدار بقرص الهاتف ..أنها المرة الرابعة لا تجيب ما لذي يشغلها ؟
خرج متأخرا كعادته ..لا يوجد أحد من الموظفين ..اقفل المكاتب وغادر ..
قرع الباب ليفاجئ زوجته هذا اليوم لكنها لا تجيب استغرب ..فتح الباب ودخل ..
وضع حقيبته ومعطفه على إحدى الكراسي وتوجه لغرفة نومه ..
وجدها نائمة اقترب أكثر منها قبل جبينها لكنه تفاجئ ببرودة جسدها..
في المستشفى
تفضل إلى الغرفة المجاورة ..حسنا
دخل وتفاجئ بالضابط تحدث ولم يستوعب ما قاله
صرخ : كيف تقتل أنت كاذب
بهدوء قاتل : زوجتك ماتت مختنقة كيف حدث ذلك ؟
بنبرة غاضبة ونظرة تقدح السم : ويحك أنا لم اقتل زوجتي هل سمعت ذلك ثم لا
شيء يدعوني إلى قتلها فكيف تتهمني بذلك ؟
بنفس تلك النبرة : سنكمل التحقيق في مركز الشرطة تفضل معنا ..
.. (2)
أصابع الاتهام تشير إلى شخص واحد فقط وهو أنت هل تعترف بأنك قاتل زوجتك ؟
فقد السيطرة على نفسه : لم اقتلها ألا تفهم ؟
ضرب بيده على مكتبه : خذوه إلى السجن هيا ..
بعد شهر من بقاءه بالسجن انتهت محاكمته والتنفيذ بعد عشرة أيام
دخل في نوبة من البكاء والنحيب لقد ظلم بذلك لم يقتلها لماذا لا يفهمون ذلك ؟
استغفر ربه واخذ بالعبادة ليل نهار دون توقف ..لم يزره أحد طوال هذه الفترة
اعترف انه أصبح وحيد لم يبقى له إلا الله عز وجل ..
اليوم العاشر والأخير بالنسبة له
استيقظ مع بزوغ الفجر صلى الفجر وهم بتلاوة القرآن الكريم
مع كل آية بكى وانتحب ..أخيرا اطمئن قلبه وشعر بالارتياح
بقي ساعتان من الوقت اسند رأسه إلى ذلك الجدار القذر وضم رجليه إلى صدره
لم تعد لديه قدرة على الاحتمال تجمعت الدموع في عينيه وأنذرت بالسقوط
تصارعت في ذهنه الذكريات
ابتسم ..بكى ثم ضحك مزيج غريب اجتمع بلحظة واحده ..
(3)
طال بالسجود وغلب على المكان الخشية والخضوع
لم يقطع عليه عبادته انتظره ربع ساعة
ثم فرغ منها ..
بصوته الخشن : هيا لقد حان الموعد
اطرق رأسه أسفلا حسنا رافقه بصمت شبيه بالموت البطيء
مع كل خطوة يشعر بفقدانه للحياة .. يريد الصراخ ..لا يستطيع حبس صوته داخل
الحنجرة
نظر إلى كل شي أمامه حتى النمل وهو يسير ..
لأول مرة يشعر بكل شيء حوله
نظرات العيون ..حركة الرياح .. تصرفاتهم ..صرخاتهم المخبأة ..دموعهم الحبيسة
أيبكي لحالهم أم على حاله ..
تذكر زوجته وهي تقف وتبتسم .. طريقة حديثها ..صوتها ..صدى ضحكاتها
وقوفها بجانبه عند مشكلته المالية التي أصابت المكتب تحملت الكثير في هذه المشكلة
باعت جميع مجوهراتها لتقف بجانبه كلماتها عند المواساة بعد نظرها وحكمتها
خوفها عليه من الهواء حتى ..بغضب من قاتلها كيف تجرأ وقتل زوجتي ؟
بكى كطفل صغير كيف يقتلها ألا يعلم أني لا استطيع العيش دونها؟
آه يا ياسمين كيف ترحلين وتتركيني هنا قابع في هذا المكان ألم تعديني أن تبقي معي
مدى العمر كيف ذلك ؟ كيف تقتلين ؟
كيف تذهبين القبر وأنا لم أذهب بعد؟
سالت الدموع من عينيه
:
:
قطع عليه ذلك السرحان صوت الشرطي الخشن : خذ الماء ألا تسمع ؟؟
مسك ذلك الكأس ويده ترتجف ..نظر إلى الماء وهم بشربه
أحس بحركة الماء في جوفه ببرودته..لم تبقى إلا قطرات من علقت في قاعه
أتريد شيئا آخر لقد تأخرنا؟
كلا . لكن أريد رؤية الحياة هل تستطيع ذلك ..الهرب من الموت شنقا ببصمة عار
هل تعرف أيها السجان ما لذي يجري بداخلي ؟ ليست دماء بل بقاياها
أتدري سوف تكون من أخر من اسمع صوته ..لذلك سأخبرك قصتي
أنا شاب أعطي المال والجاه عزيز النفس محافظ على كرامته ..بلغت من عمري
ثلاثين سنه عشقت فتاة جميلة في صفاتها وحسنها عشقتها حتى الثمالة
تزوجنا قضينا أياما جمليه حفرت في ذاكرتي ..
عدت ذات مساء لأجدها مقتولة ثم اتهم بقتلها ..أي عذاب استطيع احتماله يا صاحبي
أتعرف لم يبقى لي شيء ..هذه الأيام التي قضيتها هنا كانت كفيله باقتناعي أنني مت
مع زوجتي ..لاتهمني الحياة فالممات أفضل لي الحياة بين القضبان والاتهام بجريمة
لم ارتكبها ..أثقلت عليك بحديثي هذا ..أبلغ سلامي للحياة علها تعرف من قتل زوجتي
وتسبب في قتلي ..صمت
أخذ بالدعاء وأخير نطق بالشهادة ..ثم شنق
(4)
بعد مضي أربع شهور ..طرقت أبواب المحكمة لتعلن عن وصول شاهد في القضية
أين كنت لما لم تأتي من قبل؟
سيدي لم أكن موجود في البلد ..و أتيت ليرتاح ضميري
تحدث بحزن ..لقد أتيت متأخرا يا رجل لقد قتل رائد ..
بشعور مذنب..يرحمه الله..
أرأيت المجرم ؟
صمت ..سيدي لم أره جيدا فقد كان مسرعا خارج العمارة
حسنا ..سوف نطلبك في أي لا تسافر قبل إبلاغنا بذلك اشكر حسن تعاونك معنا
العفو .. خرج الرجل وهو يقول في نفسه
المجرم لاذ بالفرار والبريء قتل ظلما ومن المسئول الله اعلم ؟؟؟!!!
تمت .. انتظر النقد
وان شاء الله اشوفكم على خير بعد رجعتي من مكه
دمتم بكل بخير
صخشاو
August 06 شي بالقلبياني حبيب(ن) لي مطيور دومه يطلع ويدور احتار القلب والخفوق من وين له الفتور فتور(ن) ملى عقلي بعد الخمور التقينا على شط الغروب بين الليل والسحور اكلنا عيش وهامور وشربنا من ملح البحور ركبنا سيارة البورش وصدمنا بدرام وعامود قعدت على حظي انوح حبيب (ن) تكسر وسيارة تروح وقفنا وترقدنا شهور وبعدها طلعنا بسررور وبالنهاية التقينا على الوعود واتفقنا نقفز بالبرشوت نقزنا وفرحنا والنتيجه كانت جنون الخامسه فجرا تقريبا قبل يومين
ملاحظة : من الملل كتبته صخشاااو
August 03 تويكس اليوم الربوع
احس بالوناسه والملل بنفس الوقت
تعلمت حركات نيو بلسبيس اتمنى تعجبكم من كل قلبي
قعدت الصبح وخاطري بتويكس وفلافل
احب السفن اذا جلست الصبح والسيريلاك بالظهر
قلت مرة لابوي ابي اروح الصيدليه اشتري سيريلاك
<_<قال عشوق انثبري
شنو حسيت بحره بقلبي تسنه احد ماخذ تاير السيارة ومنسمه بمسمار
شي بجد يحز بالخاطر ابي سيريلاك اشتروا لي مو بالسنه حسنه ان شروا <_< .. بصراحه ماعندي سالفه ومتملله حدي ..
اشكر كل من فحط بسبيسي
واللي عنده كلمه والا حرف
مايردك الا كيبوردك فحط واتمشى وشاقح وناطح
محد بردك بس شوي شوي لاتتعور:ss:
وان شاء الله يتطور ويصير احلى من كذا
دمتم بود وتويكس
صخشاااو
July 10 .. أمـــل مقتـــول .. كل يوم تشرق الشمس وتداعب اشعتها القلوب ..
نبتسم لوميض من الامل يجدد الروح بالخلايا
نرسم الواقع بريشة الاحلام نحترف بالرسم والزخرفه ..ثم بلحظة صمت
تسقط حبات المطر بنعومه تبدد الرسمه نحاول حجب القطرات ..نفشل ..
هل لأن الاحلام أصبحت شيئا من المستحيل ام امرا يصعب تحقيقه ..
اسأل النفس أحيانا مارأيك بالاربعة عشر التي مضت ؟ مالذي بقي بالجسد ؟
لتجيب بابتسامه ساخرة
رأيت قلبا تعب من الجراح وصدرا لم يعد تكفيه الطعنات
ضحكت بسخريه ..قلبا لم يعرف الحب يوما ..
صدرا تهالك من طعنات الغدر والخيانه
عينا احترقت من كثرة حبسها لدموع
وابتسامه رافقت دربي
تنهدت تلك النفس اشفقت عليها.. .. ربت على كتفها واكملت ..
بانطفاء تلك الشمعات .. بنيت احلاما واماللا بعضها تحقق والاخر تحطم
علمت ان هذا القلب لم يعرف الحب يوما ..
اعتراف بسيط اصبح مثل الجبل فوق صدري
..
لكنه بسيط بأي حال مجرد اعتراف..
تعلمت ان افعل لأجل الغير لانفسي
ان ابتسامة طفل قد تنسيني بعضا من الآلام
تعلمين قد تموت احلامي كثيرا او يقتلها شخص بين يوم وليله لكني سأبرع في رسمها حتى وان كانت النتيجه قتلي يوما ..
خربشة صباح
June 02 مرحبا.. السلام هاي سبيسي .. نور سبيسي بوجودكم اتمنى انه يعجبكم واخذوا راحتكم بالتمشي والسياحه بين زواياه بس عطوه فترة بسيطه حتى انه يجهز لان مثل ما انتو شايفين انه توه نيو و انتظر شخابيطكم فيه محبتكم .. عشوووق
|
||||||||||
|
|
